Laal Ya Kaale?

Mohalle ke saare logon ko un dono bhaiyon se kaafi koft rahne lagi thi,
Bada , chhote se kuchh 3-4 saal bada hoga, ab chhoti moti 'deal' karke kuchh
paise banane laga hai, Shirt ke upar ke do button khule raktha,hansta tha to maathe par badi badi do line'ein aa jati thi, bahot khatarnak dikhai padne lagta tha, uski hansi se paas-pados ke logon ko kabhi ghinn to kabhi darr ka aabhas hota tha. 'Kuchh zyada hi bada ho gaya hai' - log ek doosre se dabe lafzon mein keh dete.

Chhota, school kabhi kabhi jaata, ab saath ke bacchon ke saath nahi, doosri colony ke bade ladkon ke saath khelta,ghar aate aate agar kisi ne kuchh keh diya to ek-aadh haath bhi jama deta, Uska haath kafi khulla hua tha.

Dono bade hi Kamine se lagte, kaale,bhayanak, daraavne, kuchh kehne se darr lagta tha unko, kahin palat ke izzat na utaar dein.
Registan mein Naagfani se tez, katile,Garm , Thoonth ho gaye they .

Kya ho gaya aisa, pehle to moonh se aawaz nahi nikalti thi dono ke?

6 mahine pehle Maa achanak bimar pad gayi, ab kuch kehti nahi thi, bas padi
thi bistar par, Soyi rehti Bessuddh.

Ab unhe koi 'Laal' nahi kehta, ab un paudhon ko koi paani nahi daalta.
Ab wo thoonth hain, 'Kaale' hain...